Búin að vera heillengi að komast hingað inn og hef ákveðið að flytja mig yfir á wordpress síðu hér er hún www.nyrstill.wordpress.com

Endilega kíkið þangað, ég er enn að vinna í þeirri síðu en hún ætti að ganga betur

Kveðja stíll

Jæja hér er ég komin aftur, verð reyndar greinilega að fara að kynna mér átaksbloggin á ný, voða margar sem hafa verið eins og ég "óvirkar" í blogginu.  Síðan um áramót er mér búið að ganga ágætlega í átaksmálum, ég er búin að missa í kringum 3 kg með því að passa mataræðið og fara í sund.  Ég hins vegar er held ég búin að finna það að ddv er málið og eftir heilmiklar pælingar hef ég ákveðið að smella mér á fund í vikunni.

Ég lýsi auk þess eftir fleiri átaksbloggurum til að fylgjast með )  Ætla að smella mér bloggrúnt og kann hvort ég finn ekki einhverja virka bloggara.

Kveðja Stíll á leið í ddv (aftur :Þ

Já ég er á lífi hef ekkert komið hingað inn lengi

Ég hef ekkert verið í átaksfílíngnum síðan í fyrra, við giftum okkur siðasta sumar og ég var bara mjög sátt, þó ég væri með nokkur aukakíló.

Núna er ég hins vegar aðeins að taka til hjá mér og farin að huga að mataræðinu og reyna að hreyfa mig meira.  Ég lofa engu um stíft átaksblogg en hver veit, ef það kíkir einhver ennþá hingað inn, hvort maður verði ekki duglegri að blogga og fylgjast með átaksbloggheimum.

Kveðja Stíll

jæja, ég hef sko ekki verið að standa mig, er í algerri lægð og ekki að nenna neinum svona miklum pælingum.

Ég ætla að pæla aðeins í hlutunum og blogga betur seinna (sem fyrst samt)

gangi ykkur hinum vel

Kveðja Stíll

jæja hér er ég komin með nýja tölvu, hin tók nefnilega upp á því að gefa upp öndina um helgina.
Ég ákvað að vera svo dugleg að mála stofuna mína og tók því tölvuna úr sambandi, þegar henni var svo skellt
í samband aftur startaði hún sér ekki  
En ég er sem betur fer komin með nýja, enda erfitt að lifa tölvulaus.

Maturinn hefur gengið nokkuð vel, sunnudagurinn fór reyndar í algert rugl, ég fór að heiman um tíu
um morguninn og kom ekki heim fyrr en um kvöldið og fékk mér smá á disk tvisvar sinnum í veislunni.
Diskarnir voru sem betur fer litlir og ég fékk mér að mestu leyti brauðrétti en þó tvær sneiðar af köku með.

Ég nenni hreinlega ekki að setja inn matseðlana og ætla að láta þetta duga í dag, ætla að gera gott plan fyrir
næstu viku og hugsa að ég skelli því bara hér inn á undirsíðu.

gangi ykkur vel og takk fyrir kvittið

Kveðja Stíll

Gróft matarplan fyrir morgundaginn lítur svona út 

Morgunmatur:  ristað brauð (30g),  ostur 17% (25g),  eitt glas af appelsínusafa
Biti á milli morgunm. og hádegismatar:  epli
Hádegismatur:  fiskur, grænmeti og hrökkbrauð
Miðdegisbiti:  ávöxturKvöldmatur:  kjúklingur og grænmeti

Og svo fer mjólkurskammturinn, fituskammturinn og síðasti ávöxturinn einhvers staðar þarna inn í eða  í eftirréttinn J 
Ég kem svo með allan listann á morgun og hvort hann hafi staðist.  Ég ætla líka að vigta mig í fyrramálið og  gera það svo vikulega  

 Kær kveðja Stíll

Jibbý léttingur vikunnar var 400 grömm, næsta vika verður þá vonandi 800 og svo koll af kolli, ja kannski ekki alveg en þetta er greinilega að komast af stað, sem er sko bara frábært.  Ég fór ekki í ræktina á mánudag eða í gær, var hreinlega of stífluð, en ég drattaðist af stað áðan.  Fann reyndar hellingsmun, varð að hægja örlítið á í æfingunum og svo endaði það með því að ég tók léttari lóð.  En ég gafst ekki upp!! Og tel það bara ágætis sigur. 

Jæja ætla að henda mér í lærdóminn, hafið það gott J

Úff ég ætlaði að vera löngu búin að skrifa hér inn,  hef nú smá afsökun er búin að vera veik.  Fékk leiðinda kvef og hálsbólgu, er nú ekki alveg orðin hress ennþá en þetta kemur allt.  Léttingurinn í síðustu viku var hvorki meira né minna en 200 grömm.  Veit ekkert hvað vigtin segir á morgun, vonandi meira samt.  Í sambandi við daginn stóra þá er hann 7. júlí 2007 J  það verður rosa gaman.

Kveðja

Lífið gengur sinn vanagang, ég er búin að ná að mæta ágætlega síðustu vikuna í ræktina og hef verið að þyngja hjá mér svo harðsperrurnar komu aðeins aftur.  Þær eru nú að ég held á undanhaldi,  ég fer svo á eftir og ætla að vigta mig, býst nú ekki við neinum ósköpum þessa vikuna en það verður þá vonanadi bara meira að viku liðinni!

Þessi vika verður vonandi tekin með trompi, er alltaf að detta inn í meiri brúðkaupshugleiðinar og því líka þá hugsun að koma sér í betra form.  Ég er reyndar núna í besta líkamlega formi sem ég hef verið í mörg ár, þó svo ég sé þyngri en ég ætti að vera.  Það gefur manni bara svo mikið að mæta í ræktina og ég segi að það sjáist á heimilinu, það er alltaf mun hreinna þegar ég er dugleg að mæta J  ekki það að heimilið sé eitthvað skítugt.  Það má segja að ræktin jafni út hækkaðan “draslstuðul” vegna anna á veturna í sambandi við skólann.

Ég læt í mér heyra með tölur vikunnar.

Ræktin gengur bara vel, fór á föstudaginn, var reyndar á það mikilli hraðferð að ég náði ekki að vigta mig, en náði því í gær svo vikutölur ættu að koma á mánudaginn næsta.  Ég fór ekkert um helgina, var að hugsa um að fara á sunnudaginn en svaf yfir tímann.  Við hjónaleysin fengum nefnilega frí til að safna orku á laugardag og prinsessan fékk næturgistingu.  Það var samt mjög gott að fá góða hvíld J  Annars er nóg að gera í skólanum þessa dagana, alls staðar að skella á próf og stór verkefni, en þetta tekur enda, þó ekki fyrr en 13. desember hjá mér, en þá er ég líka komin í frí fram yfir áramót. 

Kær kveðja í bili

Hæ hæ

Ég mætti í ræktina á þriðjudaginn en komst ekki í gær, ætla samt sem áður að skella mér á morgun J  Matarmálin ganga þónokkuð vel, er ekki að fara eftir neinu nema almennri skynsemi.  Sem sagt borða oft og minna, mikið grænmeti og helling af ávöxtum og náttla sleppa öllum sætindum, þetta virðist eitthvað ætla að virka, ég hef ekkert náð að vikta mig í vikunni en ég ætla að vikta mig á morgun og hafa föstudaga sem viktunardaga.  Þá fer það að verða auðveldara að fylgjast með. 

Ykkur gengur vonandi öllum vel

Kveðja

Jæja helgarfríinu lokið og skólavikan hafin.  Ég mætti á miðvikudaginn síðasta í ræktina, planið var að mæta á föstudag og sunnudag en það gekk ekki alveg eftir.  Vel afsökuð í bæði skipti, var í rannsóknum á föstudaginn og svo vorum við mægður í leikhúsi á sunnudaginn.  Ég mætti þó galvösk áðan og tók vel á því, planið er að fara beint eftir skóla á morgun og brenna og svo aftur í tíma á miðvikudaginn.  Maturinn gengur upp og niður, að mestu leyti vel, sem er náttúrulega bara gott mál. 

Þá er mál að skella sér í lærdóminn, það er nóg af honum þessa dagana.

Gangi ykkur vel

Kveðja

Jæja dagurinn í dag hefur gengið mjög vel J  skóli eins og venjulega og að honum loknum skellti ég mér í ræktina.  Fór á hlaupabrettið í 15 mín. og svo á orbitrekkinn í 25 mín.  gerði svo slatta af maga og bak æfingum og teygði svo.  Kom út hress og kát, náði meira að segja að blása á mér hárið, eitthvað sem ég næ aldrei þegar prinsessan er í barnapössuninni.  Ég var með fisk með aspas í karrýsósu í kvöld og steikt grænmeti með namm namm.  Svo gerði ég það sem ég hef ekki gert lengi bjó mér til ís!  Held að það sé ágætt að hvíla sig aðeins á ísnum, ég bjó til jarðaberjaís og svo súkkulaðisósu og Vá!  Ekkert smá gott J 

Þið hafið það vonandi gott.

Helgin var mjög fín, var í sumarbústað og eins og kunnugt er sleppir maður oft taumnum í mataræðinu við þannig tækifæri.  Ég gerði það en passaði samt sem áður að borða ekki yfir mig, en auðvitað var ekki það allra hollast á matseðlinum.   Ég tók reyndar með helling af ávöxtum og reyndi að borða sem mest af þeim yfir daginn.  Þetta plan hefur líklega eitthvað virkað hjá mér því ég er næstum kíló léttari, samkvæmt morgunviktinni heldur en ég var á föstudaginn.

Ný skólavika byrjuð og nóg að gera, ég ætlaði að mæta í ræktina áðan en ákvað vegna tímaskorts að vera heima og reyna að klára íslenskuritgerðina mína sem ég þarf að skila á næstu dögum.  Ætla hins vegar að skella mér í ræktina beint eftir skóla á morgun og reyna að brenna svolítið og svo eru það “palla og MRL” á miðvikudaginn J.